നീ

എൻ മനസ്സിനേതോ കോണിൽ
നിന്നുയരും നിൻ ചിരി
എൻ മനസ്സിന്
കുളിരേകുന്നുവെങ്കിലും
എന്നെ ഭയപ്പെടുത്തുന്നു.
അതെന്നെ കീഴടക്കുന്നു.
രാഗലോലയായി താളനിബദ്ധമല്ലാതെ-
യെന്നരുകിൽ വന്നു നീ പാടിയ പാട്ടുകൾ
എൻ മനസ്സിലെ കനലുകളിൽ പെരുകുന്നു.
എങ്കിലും ഞാൻ കൊതിക്കുന്നു
താന്തയാം നിൻ ഗാനത്തിനായി.
ഞാനുതിർത്ത ഗാനവീചികൾക്ക്
ചുവടുകൾ പകരാനായി
നീ വരുമെന്ന് വെറുതെ കൊതിക്കുന്നു.
നിലയുറക്കാത്ത കാൽച്ചുവടുമായാണെങ്കിലും
അറിയാതെ നിന്നെ ഞാൻ വിളിക്കുന്നു.
ജീവിതപന്ഥാവിലേക്ക് കൂടെയെൻ തോഴിയായ്...